Glavni odbor Socijaldemokratskog saveza Makedonije (SDSM) na sjednici je jednoglasno pozdravio dostojanstvo, hrabrost i mudrost u koracima i politici predsjednika stranke Zorana Zaeva u rukovođenju partijom i poslaničke grupe koja je otvorila mogućnost za formiranje nove vlade Makedonije.
"Očekujemo da veoma brzo uđemo u pregovore za formiranje nove vlade. Nakon 11 godina režima, SDSM je dobila čast i odgovornost građana da predvodi novu demokratsku reformsku vladu za zajedničku, unitarnu, evropsku Makedoniju, koja će obezbijediti kvalitetan život za sve građane. Naš prioritet ostaju građanski i državni interesi", naglasio je Zaev.
Na sinoćnjoj sjednici Glavnog odbora razgovarano je o datumu redovnog Kongresa SDSM-a, navodi se u saopštenju.
