Predsjednik Evropskog savjeta Donald Tusk izjavio je da američki predsjednik Donlad Trump i visoki zvaničnici EU nijesu uspjeli da nađu zajednički jezik oko više pitanja na sastanku u Briselu u četvrtak.
Među problemima je naveo klimatske promjene i trgovinu, dok su oko borbe protiv terorizma saglasni.
"Siguran sam da ne moram da vam objašnjavm zašto, ali neka pitanja ostaju otvorena, poput klimatskih promjena i trgovine" rekao je Tusk novinarima u Briselu.
Trump se na svojoj prvoj inostranoj turneji od kada je preuzeo Bijelu kuću u Briselu susreo sa Tuskom, predsjednikom Evropske komisije, Jean Claude Junckerom, šeficom diplomatije EU Federicom Mogherini i predsjednikom Evropskog parlamenta, Antoniom Tajaniem.
Susretu u Brislu upriličen je tri dana nakon terorističkog napada u Mančesteru u kojem su ubijene 22 osobe, među njima i djeca, a povrijeđeo oko 60 osoba, među njima takođe djeca.
Rezulat dosadašnjih sastanka Trumpa sa NATO liderima je dogovor o angažovanju Alijanse u borbi protiv "Islamske države".
Evropski lideri žele da čuju od Trumpa kako namjerava da sarađuje sa Evropom nakon predsjedničke kampanje u kojoj je bio glasan zagovornik Brexita.
"Moja glavna poruka predsjedniku Trumpu je da ono što predstavlja našu saradnju i prijateljstvo ima najdublje značenje za funadamentalne zapadne vrijednosti kao što su sloboda, ljudska prava i postovanje ljudskog digniteta" rekao je Tusk nakon sastanka sa Trumpom.