Dostupni linkovi

Zmajeviću 14 godina za ratni zločin na Kosovu


Vlado Zmajević

Specijalno Vijeće Višeg suda u Podgorici osudilo je optuženog za ratni zločin protiv civilnog stanovništva Vlada Zmajevića na 14 godina zatvora. Zmajević je proglašen krivim za ubistvo četiri albanska civila u selu Žegra kod Gnjilana na Kosovu tokom 1999. godine.

Predsjednik sudskog vijeća Dragoje Jovović je u obrazloženju presude saopštio da su izvedeni dokazi nesumnjivo dokazano izvršenje ratnog zločina, jer su na to ukazali svjedoci, ali je i sam optuženi Zmajević priznao to djelo tokom saslušanja u prvom istražnom postupku, iako je kasnije taj iskaz negirao.

Zmajević je prema optužnici vatrenim oružjem ubio tri osobe, a četvrtu žensku osobu ubio nožem. Optuženi Zmajević ima pravo žalbe na presudu Apelacionom sudu.

XS
SM
MD
LG