Avion na solarni pogon koji će sljedeće godine krenuti na putovanje oko svijeta obavio je danas svoj prvi let u Švajcarskoj.
Avion "Solarni impuls 2" poletio je sa aerodroma u švajcarskom mjestu Pajerne u 05.35 časova i vratio se dva sata kasnije.
Riječ je o većoj i poboljšanoj verziji aviona koji je preletio SAD prošle godine sa avanturistima Bertranom Pikarom i Andreom Boršbegom za komandama, prenio je BBC.
Pilot na prvom letu novog aviona na solarni pogon bio je Markus Šerdel. On se popeo na visinu od 1.800 metara i izvršio seriju manevara da bi provjerio sistem upravljanja.
Šerdel je izvijestio da je u početku bilo vibracija, ali je misija generalno bila veoma pozitivna.
"Ovo je veliki dan za čitav tim `Solarnog impulsa`. Avion poput ovog je jedinstven. Prvi put u istoriji imamo avion koji leti bez goriva danju i noću, što pokazuje nevjerovatan potencijal čistih tehnologija", izjavio je Pikar.
Avion je napravljen od karbonskih vlakana, a raspon krila mu je 72 metra, što je više nego kod "boinga 747". Uprkos tome, avion je težak samo 2,3 tone.
Avion "Solarni impuls 2" poletio je sa aerodroma u švajcarskom mjestu Pajerne u 05.35 časova i vratio se dva sata kasnije.
Riječ je o većoj i poboljšanoj verziji aviona koji je preletio SAD prošle godine sa avanturistima Bertranom Pikarom i Andreom Boršbegom za komandama, prenio je BBC.
Pilot na prvom letu novog aviona na solarni pogon bio je Markus Šerdel. On se popeo na visinu od 1.800 metara i izvršio seriju manevara da bi provjerio sistem upravljanja.
Šerdel je izvijestio da je u početku bilo vibracija, ali je misija generalno bila veoma pozitivna.
"Ovo je veliki dan za čitav tim `Solarnog impulsa`. Avion poput ovog je jedinstven. Prvi put u istoriji imamo avion koji leti bez goriva danju i noću, što pokazuje nevjerovatan potencijal čistih tehnologija", izjavio je Pikar.
Avion je napravljen od karbonskih vlakana, a raspon krila mu je 72 metra, što je više nego kod "boinga 747". Uprkos tome, avion je težak samo 2,3 tone.
