Dostupni linkovi

Rusija hitno evakuiše svoje osoblje na Sjevernom polu


Rusija će hitno evakuisati svoju polarnu stanicu na Sjevernom polu zbog velikog topljenja leda, saopštilo je danas rusko ministarstvo za ekologiju i prirodne
resurse.

Ministar Sergej Donskoj naredio da se razmotri u "naredna tri dana plan evakuacije naučne polarne stanice 'Severni pol 40'". U toj stanici se trenutno nalazi 16 osoba.

U saopštenju se dodaje da je ta odluka donijeta "zbog abnormalnog prirodnog procesa na Arktiku gdje nestaju polja leda oko stanice".

"Led se topi i pojavljuje se pukotine", izjavio je neimenovani portparol ruskog ministarstva.

Prema njegovim riječima, topljenje leda može ugroziti ne samo aktivnosti stanice već i život osoblja u toj zoni.

Stanica "Sjeverni pol 40" nalazi se na Sjevernom polu od oktobra 2012. godine. Naučnici u toj stanici prate pojave u tom dijelu planete.
XS
SM
MD
LG