Najmlađi sin svrgnutog ukrajinskog predsjednika Viktora Janukoviča sahranjen je na aneksiranom Krimu 23. marta, istog dana kada je stranka koju je nekad prevodio Janukovič potvrdila njegovu smrt.
Sahrana Janukovičevog sina, koji se takođe zvao Viktor, obavljena je na vojnom groblju u luci Sevastoplj na Krimu, mjestu koje je u sastavu ruske vojne baze.
Agencija Kiminform takođe je navela da su njegov otac, kao i drugi članovi porodice Janukovič prisustvovali sahrani u kapeli na groblju.
Groblje je prema izvještajima medija bilo u potupnosti okruženo snagama sigurnosti.
Izvještaji o smrti najmlađeg sina Viktora Janukoviča, 33 -godišnjeg Vikitora, u medijima su se pojavili 22.marta.
Anton Haraščenko, ukrajinski poslanik i savjetnik ministra unutrašnjih poslova, napisao je na Facebooku da je minivan, koji je vozio mlađi Janukovič potonuo na ruskom Bajkalskom jezeru nakon što je pod njim pukao tanak led.
Haraščenko je rekao da su svih ostalih pet putnika preživjeli, a "četvoro od njih nije ni noge skvasilo".
I drugi zvaničnici i navodi medija potvrđuju ovu verziju, ali do sada nije bilo potvrde od strane ruskih vlasti.
U Ukrajini, Partija regiona, koju je nekad predvodio Janukovič, potvrdila je u saopštenju 23.marta, tragičnu smrt sina svog nekadašnjeg lidera ne navodeći druge detalje.
"Smrt nas obavezuje da zaboravimo na politiku" navodi se u saopštenju.
Nije navedeno kako je umro.
Prema ukrajinskim izvorima Janukovič u Rusiji koristi ime Viktor Davidov.
Portparol ruskog predsjednika Dmitrij Peskov nije želio juče komentarisati vijest o smrti mlađeg Janukoviča.
