Dostupni linkovi

SAD pokušale neuspješnu akciju spašavanja Foleya


Ilustrativna fotografija
Ilustrativna fotografija

SAD su pokušale neuspješnu tajnu misiju oslobađanja ubijenog američkog novinara Jamesa Foleya i drugih taoca u Siriji, saopšteno je. Ova informacija stigla je dan nakon što se na internetu pojavio snimak na kojem militanti iz ISIL-a odsjecaju glavu američkom novinaru u znak odmazde zbog vazdušnih udara na njihove saborce u Iraku.

Svjetski su mediji objavili reakciju Johna Foleya oca američkog novinara, Jamesa, kojeg su pripadnici ISIL-a obezglavili Ii postavili snimak zločina na internetu.

“To je stravično. Znam da ljudi mogu umrijeti na mnogo različitih načina, ali ovo je najužasniji, i progoni me to u kolikom je bolu bio i na kako okrutan način je izvršena egzekucija. Ali to svjedoči i o njegovoj hrabrosti”, rekao je u Nju Hempširu otac ubjenog čovjeka.

Novinar James Foley kidnapovan je u Siriji novembra 2012, a obezglavili su ga pripadanici ISIL-a zbog vazdušnih napada SAD na njihove saborce u Iraku.

SAD su objavile da su ranije izvele nesupješnu akciju spasavanja.

Liza Monako, glavna savjetnica američkog predsjednika za antiterororizam, u saopštenju je navale da je Brack Obama “odobrio ministarstvu odbrane akciju da pokušaju spasiti američke građane u Siriji ranije ovog ljeta".

Akcija je, prema saopštenju Monako, bila neuspješena jer taoce nijesu pronašli na lokaciji gdje je izveden upad.

Istovremeno je Vašington prvi put priznao da imaju vojne trupe u Siriji.

Drugi američki zvaničnici su privatno rekli da je nekoliko desetina specijalnih snaga SAD avionima izbačeno na teroriju Sirije gdje su se borili protiv pripadanika Islamske države Iraka i Levanata prije nego što su napustili tu teritoriju ubivši, kako se tvrdi, nekoliko militanata. Američke snage nijesu imale žrtava, ali je jedan vojnik lakše ranjen kada je pogođen jedan američki avion.

Barak Obama
Barak Obama

Američki zvaničnici navodno nijesu imali namjeru da otkriju ove informacije ali je nekoliko medija pripremalo izvještaje o tome, zbog čega Obamina administracija nije imala drugog izbora nego da ih javno obznani.

Nikakavi dodatni detalji nijesu iznošeni, radi kako je navedeno, sigurnosti budućih spasilačkih misija.

Američki je predsjednik najavio nastavak vazdušnih napada na pripdanike Islamske države na sjeveru Iraka i pored njihovih prijetnji da će još jedan kidnapovani novinar, Steve Sotloff iz magazine "Time" biti ubijen.

Militantna islamska grupa je prema riječima američkog predsjednika, "rak" koji prijeti cijelom regionu.

”ISIL ne govori u ime religije, njihove su žrtve u najvećoj mjeri muslimani, a niti jedna vjera na svijetu ne propovijeda ubijanje nevinih”, rekao je Obama i dodao:

“ISIL nema ideolgije niti bilo kakavog poštovanja za ljudska bića. SAD će nastviti da čine sve što moraju da bi zaštitili naš narod. Bićemo oprezni I nemilosrdni. Za grupu kao što je ISIL nema mjesta u 21 stoljeću”, poručio je Obama.

BBC je objavio da taoce moguće drže britanski džihadisti.

Osim ubijenog Foleya i Sotllofa kojem ISIL prijeti ubistvom pretpostvlja se da su još najmanje četri američka državljanina zarobljena u Siriji. Još jedan novinar, Austin Tice nestao je u Siriji u avgustu 2012, ali se pretpostavlja da ga drže sirijske državne vlasti.

Okrutno ubistvo Jamesa Foleya izazvalo je međunarodnu osudu.

Francuski ministar vanjskih poslova Laurent Fabius je rekao da je ovaj zločin pokazao pravo lice “varavarskog kalifata”.

Njemačka je objavila da će snadbijevati oružjem Kurde na sjeveru Iraka radi borbe sa islamistima ISIL-a. Pomoć je najavila i Italija.

Interpol je ovim povodom pozvao na globalan odgovor na prijetnju koju predstavlja "Islamska država Iraka i Levanta".

Komitet za zaštitu novinara, sa sjedištem u Njujorku objavio je da je više od 80 novinara oteto u Siriji, a procjenjuje se da ih je oko 20 nestalo od početka tri i po godine dugog rata u toj zemlji.

XS
SM
MD
LG